《New York Times》報道，感恩節至聖誕期間，消費增長3.6%，過去兩年為6.6%及8.5%。可見近期美國零售增長明顯放緩，其中成衣消費更是重災區。
每年聖誕，父母總會在家搞派對大宴親朋。今年派對，任職利豐（494）的老表提醒我：「老細話，今年公司生意好差，叫我放晒公司股票！」
利豐主要從事出入口貿易，觀其06年業績，七成盈利來自美國。若以業務性質劃分，又有七成生意來自成衣。換句話說，利豐一半盈利靠出口成衣到美國，最看重的，正是12月的兩個節日檔期，因此，利豐下年度業績並不看好（見圖）。
利豐PE高，逾48倍，公司須一如以往，維持兩成或以上的盈利增長，才有機會支持現股價。只怪利豐生意太集中在美國，即使是佔兩成盈利的第二戰場歐洲，也受到次按拖累。專做歐洲貿易的朋友說，今年聖誕，生意麻麻，因此，利豐要避過這一劫，是巧婦難為無米炊。
畢竟，利豐有百年歷史，見過風浪，一年生意不好，並不代表前景差，公司近幾年能維持兩成的盈利增長，足證管理不錯。如果利豐的股價，借今次機會，調整到合理水平，還算是一隻可長期持有的股票。
同樣，受出口美國影響的上市公司不少，例如新股王阿里巴巴（1688），PE甚至遠高於利豐，收入又源自生存能力較低的中小企業，理應比利豐更為看淡。
各位手持阿里巴巴的讀者，不管是否贊成以上的分析，請到思哲的博留個言，告訴我們你的看法。畢竟次按如何影響香港股市，才是最殺到埋身的問題吧。
2007年12月27日刊於《蘋果日報》
相信明年各公司陸續公佈今年業績後，不少公司的股價將會回落。一直覺得阿里巴巴貴了，太貴了，以中間人來說，市場太細，佔有率在全球不大，利潤不足以支持股價。
大家仲記唔記得港燦 blog 之死？
因為錯誤分析一隻股票的買入建議，港燦兄的 blog 影響力之大「無意地」令好多人跌o左錢。港燦兄自己都講佢最大遺憾係錯估自己 blog 的影響力，之後永遠都唔再寫股票評論。
最可惜的是最後港燦筆記自此難再復當年光釆了。
思哲兄，你係 web2.0 人，是 IT 人，是科網中人，但我覺得你不是財金人。要以古鑑今呀！
> 任職利豐（494）的老表提醒我：「老細話，
> 今年公司生意好差，叫我放晒公司股票！」
會唔會有insider trade之嫌呀?
利豐近幾年, 俾d 美國客”錬”價, 令利豐賺少好多, 因為佢係賺取以FOB價格計算的Commission, 另外, 大客戶更積極開拓自己的生產基地, 有朝一日, 可能自己直接落單或設有自己的buying office.
同時, 利豐, 積極買入一些歐洲的trading firm, 希望可以減少依賴美國單一市場. 不過, 利豐的美式經營模式, 與歐洲公司合作, 真係有好多衝擊.
美國的盈利減少, 歐洲又未真正帶來更大的收入, 我覺得利豐現價太高.
老細是誰? 有幾高層? 越高層看到的野越多，中層有機會以偏蓋全．
利豐股價高低我就唔知,我浄係知佢地用人唔駛本!
老友入去會計部第一天要交Budget….連續兩星期7天工作,兩天通頂,全都為了無謂的paperworks,第三星期即走,丙到個Job agent上天花板!
聽Job agent 講,無人想做佢(會計部)生意,因會比candidate 丙,又無邊個做得長!
馬沙兄：
查實利豐內部點用人呢，係人治界都非常之出名咯。
CM兄,
呢方面就唔多清楚,老友只係做咗三星期即走。
只知比正常公司做多好多paperworks,可能出名管理學關係,唔夠人手,一星期趕足7日,管理層要求都不變!