談Twitter和blogger營銷

最近開始忙於跟進某產品的Launch Campaign，預算竟然比想像中多好幾倍，理論上除了「穩陣」宣傳方法之外，我們也可以作一些新嘗試，這使我聯想了起近期頗為熱門的Blogger Event。
自從twitter開始多了人注意，我發現自己寫Blog的時間也真的少了，可能真的被twitter搶去了部分時間。但說到底，我始終認為blog和twitter是完全兩個完全不同的需求，就像唱K和到蘭桂坊蒲，一樣都是消遣，所追求的滿足感卻是兩回事。簡單來說，寫blog的人享受孤獨，玩twitter的人害怕孤獨，在這方面，sidekick那邊有些不錯的註腳。
若回到產品營銷的角度，說到底，我相信消費者是精明，作為新舊媒體的消費者的企業和品牌，所追求的必須是實際的宣傳效果，而宣傳效果最終亦必須反映在銷售數字上，因而任何宣傳渠道的有效性都得面對那些數字。以我自己為例，曾經負責的產品，不管預算多預算少的，都有考慮過採用網上的免費宣傳平台或直接找博客幫忙宣傳，但常考慮到實質功效（始終人數太少）和時間成本的時候，很多時候便放棄了那些念頭。
坦白講，個人認為不管是blog還是twitter，尤其在香港，暫時而言極其量是一種達到良好SEO（Search Engine Optimization）效果的便利方法，實質的營銷效果和影響力，相比起一般的傳統媒體還是有所不及。
相對於blog和twitter等新興2.0社群媒體，事實上我們經常嗤之以鼻的1.0電訊商和電視台，諷刺地卻有非常實在的影響力，不說別的，例如流動網絡商簡單一個SMS Push，例如cctvb晚上黃金檔廣告時段，一瞬間便有數十萬人甚至數百萬人收到訊息。
話說回頭，在形形式式的新媒體營銷方法之中，大家也千萬不要忘記email，想想最近一次收到的購物Coupon或朋友推薦的產品服務，到底是emai、blog還是twitter？無可否認，email才是互聯網最紮實最普遍的溝通方法，至少連牛頭⻆順嫂都知email係咩東東嘛。
好多時候，marketers其實真係唔介意比錢，例如google adwords和banner ads，最緊要媒體/平台可以某程度上有實際效果的保證，不管是eyeball、traffic還是visitors。

超伯好野！

97年前後，香港人大舉移民，間接導致部份家庭妻離子散，或不能團圓，因為很多時候留下來的，就是年邁的長者。
新聞報道，有超伯這樣一個人氣博客，行年九十有二，兒孫移民加拿大，儼然是孤獨老人。尋常的老人家，基本上沒有一個願進老人院，很大程度是害怕與家人相聚時間減少。似超伯般，與家人分隔重洋，待他們回來相聚之時，也許已一別經年。試問人到老年，若家人團圓，夫復何求？
既然分隔兩地已成定局，超伯脆將生活點滴寫進博客，透過互聯網，跟遠方家人保持聯繫。思哲上其博，只見幾篇回應逾百的文章，原來不止於生活點滴，他或寫故事，上載照片，甚至於張貼短片，把博客的功能發揮得淋漓盡致。據他說，寫博打破了跟兒孫兩地之間幾代之間的隔膜。
有一次，超伯忽患感冒，食藥之餘，他還翻看記錄多年感冒的紀錄，發現原來每逢這個月份皆會染病。他總結經驗，並記錄下來，就像治病的家傳秘方，希望留傳下去，或許他寫博客，也是抱同樣的心情。
豁達面對逆境
閱讀超伯的博客，見他記錄活力鼓，參加耆聲合唱團，還會創作短篇故事，一點不悲情，反而文風幽默，讓人讀起來會心微笑。例如某次，夜半骨頭突然作痛，他心想道：「唔通上天派天神來替我換副百年老骨頭，等我活到百歲老人，有番一副硬朗骨頭。」有這種樂觀豁達的心境，怪不得能克服學習管理網誌的困難。另外，超伯認為孤獨長者若想改變生命，最佳辦法由朋友引導，參加長者中心做義工，皆因義工範圍廣，使他們有機會一展專長。
面對逆境和困難，有人選擇放棄、有的怨天尤人，有的難過接受，亦有人積極面對，試圖扭轉宿命。閱過超伯的博客，思哲最大的得，是使我更加深信，不管跟人溝通還是開發新產品，追求形式還是其次，如何去表達，才是最重要的。
2008年4月9日刊於《蘋果日報》

回hammer

博客大鐵鎚wrote
唔知有幾多個人會好似我咁，响睇完生菓既尹思哲一連串關於程式員既文章之後，有種頗為不安既感覺。
我會覺得，當然，某部份既不安，係來自思哲講一般程式員既命運。但其二，係來自思哲對程式員呢一行既理解。
我喺度諗，究竟寫穚個位思哲大哥，正職係寫稿，定係真係寫程式？
或者思哲連續個幾篇只係想帶出一個主旨，就係佢地間新公司現正請緊人。但係入去佢地間公司，會同其他公司有咩分別呢？
假設思哲呢間公司真係一個神話，另一個 M$ 或另一個 google ，即唔靠任何人仕關係只係用創意科技黎打一個新既江山出黎。咁對一個程式員黎講，同其他工司又有咩分別先？
科技 startup 公司四圍都係，做得起個班又留得住既先有得做「開荒牛」。我敢講做工程師做程式員要出頭既話就只能做 startup ，起碼有得博。當然仲要呢間公司肯俾股份啦，假若做起左，真係搞上市，賺倒既錢就終於夠買樓喇。
但問題係，程式員係乜水呀？程式員就有如一間工廠既工人，係一間科技公司最底層既員工。分股份呢家野，有乜可能有工廠工人份？個程式寫得好，當係 bug free，(okay 呢個世界冇 bug free 既程式，咁就話係一件個客可以接受既程式囉)亦只係程式員既責任，並唔係需要咩 bonus 分股份黎推動。寫倒有創意既程式？哈哈，邊度會有老闆請你返黎坐喺度諗下有咩創意既程式爆出黎呀？仲要同你講，我明白創意呢家野唔係話有就有，寫唔出我都 會照出糧加人工架，仲會每年加人工添。係咪好正呀？大佬，幾點呀而家，訓醒未呀？
R&D 公司大低只有三層。老闆級(即 CEO, CTO, VP 個堆)，middle management，同 engin/programmer 。CEO 一定要有錢，識得有錢人多，可以公司每年勁蝕幾百/千萬仍然搵倒 invester(中文即係水魚)投資入你公司。CTO 一定要識卒人畫 powerpoint ，同埋訓練班 middle management 都識卒人。 middle management 都一定要係踼波同開會能手，大抵己經開始唔記得點寫程式，要視乎做左幾耐 management 。而程式員就係俾人日卒夜卒冇人工加冇 bonus 都冇恕言因為佢地真係天生就好鐘意寫程式既一班熱血青年。
思哲口中所講個種 geek 爆既程式員，我諗最想就係成世都寫程式做最低層既程式員。難怪對好多 management 人黎講，呢類 geek 極不長進，怕見客唔想升職就算升左做 management 但仍然只想做程式員而唔肯做 management 既工作。
係喎一言驚醒，會唔會就係咪因為咁：思哲公司招聘個幾篇文，就係話佢地可以提供一個程式員既職位，可以寫死一世程式，做死一世程式員，所以題目就叫做程式員之死？
大鐵鎚說的，正正就係香港所謂IT界既問題同現狀。不過，香港不等如全世界，至少美國的programmer的career path就跟香港完全不同。那裡容許純粹做coding的programmer的career path，不一定要做所謂的management，或考個MBA，先至可以獲得晉升機會。
大鐵鎚覺得香港就唔可以有賣創意賣科技既公司？Geek爆既programmer就等如「極不長進，怕見客唔想升職」？就唔可以有既只愛寫code又工作滿足既programmer？咁思哲只可以講，如果一個人唔信世界上有天堂，咁就好可能只有永遠活係地獄。
其實，根據你所寫的，大鐵鎚你就是第二個故事的主角，所以簡單的故事亦這樣觸動了你的神經。
更多文章
程式員之死
從程式員到股神
一句做左先
全球華人美女雜誌
後生可畏
變態鄰居
一切從改名開始
環球資訊　地方智慧