會議室內，坐著一個年青人，正在等候面試。年約三十歲的他，穿上畢挺的西服，容光煥發，他決意改變電車男的宿命。
兩天後。「我入左上市公司啦！我入左上市公司啦！」年青人興奮得跳起。
他過去在蚊型公司打工，是大打雜，進入金融上市企業後，周身刀的他，上至Network Programming，下至ActionScript，無所不曉，然而上市公司注重分工，根本不足以發揮他所識的十分之一，在工作上，他亦從未試過這般輕鬆。
年青人支出不多，加上單身，每次發糧單，他會笑咪咪地呆看。被舊同事問起近況「無呀，返工炒下股，放工溝下女咁咯，OK啦。」年青人似乎完全陶醉於其享樂主義的世界之中。
有一天，年青人發現了公司系統裡的漏洞。聰明的他，幾天後帶同提升系統的計劃，進入老闆的辦公室獻計。「如果個Project比我負責，呢舖仲唔掂！」他似乎信心爆棚。
「無錯，你個計劃都唔差，不過做我地大公司既System，要首先問下自己，唔改得唔得，如果可以唔改，就最好唔隨便去改。」上司說。「當你想做呢樣野既時候，牽連好多人架，如果有咩差池，前線既同事會好麻煩！」
年青人發現，對這家金融企業，自己的才識，竟然是可有可無，他甚至比不上那已沿用十年的舊系統。「唉，世事豈能盡如人意，無機會做自己鐘意既野，咪唯有諗辦法鐘意做緊既野咯！」他試圖平衡自己的心態。
此後，年青人安於做個循規蹈矩的員工，上班閒著的時間，他會上網炒股，彷彿買賣股票才是正職。然而，偶爾某個輾轉反側、難而入眠的夜晚，他會感到一份莫名奇妙的難過。
如是者，若干年後，經歷過幾次股海大風浪，他最後成了中年股神。他經常滿有智慧地對同事說：「投資股票市場或其他衍生工具，是以自己的資本，押注了別人的事業。」這個時候的他，炒股比誰都要狠。
再次，有興趣的人，將履歷寄到我們的電郵信箱吧。
2007年3月20日刊於《蘋果日報》
尹思哲 
投資自己比較直接。
Interview 時就要你 Oracle 到 Photoshop 識晒；請左你之後就叫你「唔好搞咁多火頭」（尋日囉加人工信時發生）。愈諗愈耐人尋味…
.
你需要什麼樣的人才?
做股神，其實講到尾都係投資自己，好似巴菲特咁，每做一單交易，都會熟讀對方既年報，同了解對方行業既潛力。
依家果 d 人炒黎炒去，係股價上上落落果幾格炒黎炒去，呢 d 係病態賭徒，多過真係想做長線投資既股東，通常呢 d 人股市升會賺到錢，但係跌市會輸突好多，投資又好，攪生意都好，如果唔專注，就係死路一條。
講返轉頭，打工就係咁，去邊度做都係一樣，俾你升到盡做 IT Manager 又如何，一樣係俾其他 dept 既人當係打雜阿頭，見到盡頭係咁，所以我 partner 搵我出黎做既時候，我就無再打工
回想當年，我同我 manager 講，可以改善流程，將一個小時既工作量，縮短到半小時，佢就話，如果將工量減半，老細就會炒一半人，因為唔駛用咁多人做野，問我係咪想咁，但係佢又無諗過 d 同事係日日 OT 到九點十點，有時就係咁無奈，明知做到，但係總有人會阻住
哈哈，應該學Jerome Kerviel
d programmer 一日到黑都以為自己天下無敵，以為ｄ老板一定無料到，以為自己ｄ plan就一定無懈可擊，以為人地同意就一定係唔識貨……
咁同ｄ電車男喺屋企睇鹹片打飛機自我感覺良好有何分別呢？
我又想知你公司又有幾勵害，夜郎自大！
To Mr. 夜郎自大
pls respect yourself.
To Angela Chan,
你一日到黑都以為自己天下無敵，以為ｄprogrammer一定無料到，以為自己ｄ plan就一定無懈可擊，以為人地唔同意就一定係唔識貨……
咁同ｄ港女係女人都踩扮上菜自我感覺良好有何分別呢？
我又想知你又有幾勵害，夜郎自大！
好高興有啲唔同意見嘅人交流吓.. 講真好多programmer都好似Angela咁講自以為是, 而好多時佢地諗啲嘢都同現實有段距離.. 但係個point就係好多大firm 用嘅IT 嘢根本就用唔着呢啲年輕IT人嘅創意, 而好多人就萛知道呢點,都會為咗個晉升機會而留係份工.. 最後就放棄晒原有對科技嘅熱誠,諗吓點樣快啲入mba好過.. 香港人好多邏輯數低創意都唔會比唔上啲鬼仔,但係一出大學就好多都變晒樣,真係可惜.. 依家都多咗啲web 2.0公司喺香港,可以俾啲有創意嘅後生仔發揮吓,希望日後會有多啲呢啲公司..
to rickycli :
同意，香港 IT 普遍都被人輕視，只視為洗錢既部門，老闆唔會 review 工作流程可以以 IT 作為內部溝通，減省程序既工具。
對比外國，好多決策都會考慮引入 IT 配合，呢點，係香港好少見到
不過好多香港 startup 都係只打香港 market 主意，而互聯網使用者人數偏低呢個客觀事實很難改變，而可以生存下來的 startup 亦不多見。
希望將來能有多一些像 editgrid 的 Startup , 能夠有國際視野，以自行研發的產品或服務，和外國公司競爭，就可以使更多年青人可以踏上創業的道路
They ‘re not fond of rules, and they have no respect for the status quo. You can quote them, disagree with them, glorify or vilify them. About the only thing you can’t do is ignore them, because they change things. They push the human race forward, and while some may see them as the crazy ones, we see genius, because the people who are crazy enough to think they can change the world, are the ones who’ll do it.
Apple Computer advertising, 1997
To Angela Chan,
:0)