在教導小朋友面對困難和壓力時，我有時會叫他們盡力去做，最緊要的是過程中學習如何面對，「成敗得失」並不是最重要的。作為父母，會用這種說法去避免為小朋友帶來太大壓力，令他們不開心。雖然我常說要讓小朋友在壓力下成長，才能令他們成才，然而在切身處地的情況下，我也會踏入陷阱，過份溺愛自己的小朋友，說出以上的說話。
剛過去的星期二和三，我、集團的行政總裁和財務總裁一同到外展訓練學校，希望從十七位應屆畢業生中挑選出數位見習管理生。為了增加吸引力，今年我們將薪酬調整至每月二萬二千元，希望能夠從七百九十六份求職申請中，挑選出最優秀的畢業生。
外展訓練開始的第一個遊戲，是他們扮演拯救角色，用擔架將一名傷者運送下山。由於安排了其中一位同學扮演傷者躺在擔架上，加上山路崎嶇，我們預計他們要用上九小時去完成任務，途中有三個檢查站。
被選出參與的十七位大學生，全部學業成績優良，在先前的中、英文筆試、才能測試、口試及小組討論的表現均是頂尖的。可惜，在實際情況的挑戰下，他們的表現卻未如理想，雖然已到法定完成時間，他們只能完成指定路程的一半，所以外展的外籍教練只能腰斬這項行動，然後和他們進行檢討。
當被問到覺得自己的表現如何時，大部份同學覺得雖然未達目標，但他們均對自己表現滿意，覺得已盡全力，在過程中學懂溝通技巧和訓練出團隊精神。教練於是再問他們覺得達標是否重要，大部份同學都覺得並不重要，最重要的是過程，因為過程中他們建立了友誼和溝通。
這兩天的外展訓練令我最氣餒的是，在這群年輕人當中，我看不到、也感受不到他們心中做事要達到目的的動力。雖然公司投資了大量的人力物力在這次招聘上，我們亦只能無奈宣佈今年不會聘請見習管理生，這亦是過往八年來第一次出現這種情況。後來，我和外展訓練的教練討論時，發現他們現在的課程也較我在十幾年前經歷的輕鬆得多，因為他們要多考慮安全問題，也要考慮大部份人希望做一些較容易的活動。我很難明白這種做法，因為我以為外展訓練的難度應該愈來愈高，我們來到這裏的目的，是要學習面對困難和挑戰。
我想起一套電影，是《戰狼300》。影片講述遠古時代的溫泉關戰役。為甚麼斯巴達戰士可以如此驍勇善戰呢，因為這批戰士在十多歲時，就會被放逐荒野，獨自應付豺狼和野獸，學習求生本能。
今天的香港人當然不再是斯巴達人，但我們是否忍心任由我們最優秀的大學生，都欠缺足夠的戰鬥能力呢？
王維基
那些參加外展訓練的大學生，未能達標完成任務並不可怕，能冠冕堂皇地說建立友誼和溝通比完成任務更重要也不是完全無可救藥，但市場從來是一分錢一分貨，當賣方不重視眼前的機會，買方自然會收起offer，或者尋求其他渠道，例如國內優秀的畢業生。
其他文章
斯巴達朋友
尹思哲 
極之讚同 – 但並非每個父母都希望將子女訓練成為斯巴達人。
要培育出斯巴達小孩，就要有斯巴達父母。早兩代香港人絕對有斯巴達人素質，在力爭上遊的社會中，「強」是唯一的出路，大家拼命爭勝，才會拼出強大的民族。
現在的香港，已經數不到有多少間大學，中學課程水平下降，升學壓力大不如前，哪還有斯巴達民族？現在相信只有絕少數的精英才能繼承香港人的斯巴達血統。
太多大學，只會令真正「優秀的大學生」減少，現在香港要入大學根本不是難事，以人口比例計，大學學位大概只不過等同30年前中學會考五科合格而已。
昨日我地獅子山下起錨高手, 社會精英又一次
出醜於人前, 當然若果佢係無間道就十分成功!
另外可見的是“被選出參與的十七位大學生，全部學業成績優良，在先前的中、英文筆試、才能測試、口試及小組討論的表現均是頂尖的”並非能篩選出擁有高戰鬥力的年輕人..
高戰鬥力同讀得書多無必然關係
正如高風險並不一定高回報
成篇文咁長，都係講緊工作態度，見唔少港人既寫照喺練精學懶，得過且過，寧願走精面，唔願擺心機做好工作，然後仲要自以為好醒，甚至以成日無做過嘢可以袋足一日人工引以為傲，問你死未。
香港人有一樣野非常唔好
做得好唔讚, 因為係應該既
做得差一定係咁吊
明哲補身(可能錯字) – 乜都唔做就最好!
擺心機落工作都要有個理由丫.
我用心工作, 就係等可以遲d有更多工作, 但人工加0.56%再送OT無補水?
與其俾人搵笨, 不如搵返人笨白逗人工算啦.
結果就是上司炒掉偷懶的員工，寧願請freelance。
於是員工被逼成為「手停口停」的freelance，不得不「work hard」！
這個社會還是老闆比較著數的！
其實換句說話..是現在的人不會work hard.但又同時不會work smart…結果就是得過且過
自己同上面對work hard 的睇法有冇唔同呢?!
有d 老闆真係要係work hard, 而唔係work smart
個人經驗, 你同佢講你唔做任可野但睇到佢個idea 唔work
佢只係會一句得過來話你懶
如果抱住結果唔重要, 過程最緊要咁既態度, 真係不如唔好請, 會激死自己.
我只係想講, 上兩代強係唔係神枱論呢?!
睇番上兩代d 高官, 我只係覺得膠! 而唔係強
從前身態環境同現在又點呢?!
以前學一樣野用十幾廿年, cycle 好長, 社會又的確係多機會比一般能力者, 現在呢?!
有手有腳真係唔會餓死, 但係會唔會只係窮忙?!
王生以前比大東請個時
洗唔洗筆試 口試 体能試 加野外定向, 佢個時會考大學幾多分?!
入職見幾多次board, 要幾多cert ?! 見幾多分?!
佢現在請人又要做d 乜 ?!
我只係想講斯巴達人係第一輪己被投籃
其實成個教育制度係趕絕佢地. 宣揚文弱 女人形
你見到的全部係特選既壞鬼後生.
其實最要求無理就係班old seafood.
讀書果陣叫你死咪爛咪, 打咩波丫溫書啦.
好喇, 真係3大神科畢業喇, in果陣又嫌你潺仔強.
正如細個叫你讀大學係為搵好工, 畢業後又叫你死上大陸三四千蚊都唔好計較;
同80後一畢業後就想買市區800呎新樓一樣.
大家都係不設實際
不過因為winner makes the rules,
既得利益者之要求就無理變道理. 不設實際變非常實際.
僅此而已.
請個班人要求係廿年有冇增加左?!
我比番廿年前的technic 又收唔收貨?!請唔請我?!
自己請人都訂到個門檻天咁高, 人家唔到要求就吊, 但自己要求又多!
a: 世上沒有不勞而獲, 屎忽們教的. 沒有付出xxx, 卻要有yyy, 就是不勞而獲.
b: 屎忽們是老闆. 屎忽們請人, 9千尾到1雞,
c. 工作要求: 識3種語言, International exposure, Office + coral draw + DB maintenance, shipping & account handling.
d. 乎合(c.)的人, 值15k up.
Conclusion: 屎忽們想用10k請值15k嘅人.
屎忽們沒有付出多額外5k, 卻要有15k人工的工作表現
沒有付出xxx, 卻要有yyy = 不勞而獲.
世上沒有不勞而獲, 屎忽們教的.
Paradox?
講多哂氣啦. d人send 返Bill Gates 自己份cv去M$, 人地都無show佢啦.
一句到尾, 咪就係上左位果個話得就得, 唔得就唔得囉.
吊佢啦hkbn! 話人屎請唔到人, 又唔見佢請我? 2009 MT三大要求: 1)要一年內睇晒36本佢指定有關management嘅書.我有一半讀書果陣已經睇晒,放晒上架封晒塵.2)要跑2010半馬.我跑08渣打10km果陣只係用左49分鐘.3)考牌‚已有. 所謂嘅trainer,team building,喺外國讀書果陣已經試過.知要點贏.英文present對於我黎講完全無難度. 咁最後點? 咪連interview都無機會囉!話後生無用之前, 有無檢討吓自己個系統會忽略左適合份工嘅人? 屌人地唔得通常都好容易. 要認自己唔掂先最難. 今時今日香港職場, 笑笑算吧.
香港人最叻係唔表態
得開左彩企邊小你
你A 得就話你B 唔得, 你AB 都得就話你C 唔得
轉載朋友omaha
響果個形勢(全隊達唔到目標)，答著重"過程、友誼同溝通"係最安全0既… 如果答"達標重要"，比人反問"咁點解你達唔到標？"就即刻口啞啞… 雖然答"達標重要"可能可以脫穎而出，但係風險亦非常高… 果度成班聰明人，呢D數唔會唔識計，大家一齊輸下一round再砌過先至係上策，不過佢地都估唔到WIKI王會最終唔請人咁吹漲。
呢一班人襟撈，響職場上慢慢上高位應該指日可待… 但係可惜WIKI王唔係想搵呢類人，佢想搵D好似佢自己咁：破格、有GUTS、有目標、有野心、有執行能力既人，但係通常聰明人都係會計算過多，傾向保守… 照計用呢種方法，佢應該幾難搵到合心水既人。
不過比佢搵到呢D人入去做又點？呢種性格只適合做創業家，擺響一間已經成長左既公司，以咁既性格唔夠兩野已經比人鬥死(正如WIKI王自己響亞記都對抗唔到內部阻力，只係淆到12日)，咁又何苦呢…?
如果佢一開如係要咁, 就唔好攪咁多嘢啦.
用個錯嘅方法去搵要嘅人, 搵要到就係果堆人有問題. 班後生真係俾佢吹脹. (呀, 又唔記得左唔可以抱怨. 要改變自己, 力爭上游, 咁至係成功之道. sorry sorry).
我地呢一代人, 其中一樣最難面對嘅就係果d大人承諾嘅落空.
大學生一出黎, 原來只值4千蚊. 仲要係合理價. 大學生好前途全是狗嗡.
工作要求: 善於溝通, 懂應變, 勤快, 云云. 自己條件中晒, 去到4th in, 淨欠簽約呢一步咁滯. 最後唔請. 無他, 因為果場係hr show.
人人都要經歷reality bites. 不過, 而家只係你愈適應, 個現實就愈咬得你勁. 一d改善跡象都無.
我唔准投訴, 投左又無人理, 仲要俾人屌返轉頭話一切係我自己問題. 我可以點?
我一到週末就要煩下個禮拜要搵咩工.
我真係好想我可以有份安定又見得人嘅工. 星期日可以諗下點樣做好下個星期嘅工作. 而唔洗為interview煩, 為攞假煩, 為作藉口煩.
有d 老闆好得意
自己係時間, 人地個d 就唔係
政府d 人又係, 明明唔諗住請個街外人, 但又要扮晒公平公正, 係咁叫d agent 叫人in, 但其實又唔會請
大佬, 你有老豆老母, 人地無既, 你要人地in, 人地都要請到假先, 唔係中午三時就最遲五點前, 好多人包括我都係七日至十日假, 打散半日半日請
其實大家係咪覺得真係無機會爬上個流動階梯？真係咁灰？
你覺得呢?!
至少一定唔會迷信讀到書一定有前途
我2年前回流果陣雄心壯志, 而家以屌政府為樂日子得過且過. 因為我搵左工返左工咁耐, 無遇過一件好事. 有工都偷笑, 好工升職完全唔撚關我事.
老屎忽mode: ‘捱左兩年就頹拿? 你有無住過板間房呀? 我果陣一條友落廠打廠打份牛工養一家人呀! 你地班後生…’
已經唔想再拗, 膠都廢事俾.
一句啦. 如果80後生活好, 得撚閒去圍立法會咩.
星期五黎架, 佢地不如唱k扑野直落?
而家決定一個人嘅未來生活就只有’運’呢一樣嘢.
當你上岸只可以淨係靠運嘅時候, 你仲可唔可以用d濕鳩’香港精神’去捱?
捱來托乎?
香港精神比人強姦左la
獅子山下重有窮人咩?!
有都比人叫佢返大陸la
最諗憎就係d 腦殘高官開口埋口香港精神, 抽得就抽
唔該d 高官PR 下次出稿比d 新意. ok?
重有可憐下你大老闆曾特手, 唔好再玩佢推佢出去出醜.
份工唔係咁打既, 出賣完一次又一次, 有良心自己請辭la
其實都幾寫實，如果有永遠都只樂於過程中學者既心態，結果可能係一事無成，但人快活，我們究竟要什麼？
其實可以平衡多一點，be more result oriented!!
老闆永遠都只看 deliverable. 唔得就係唔得. 我理得你過程學左d咩。
不過今日社會，大多數人既目標都只係"做得到" … 唔係"做得好".
做得到變到無左分寸
今日同明日再同後日個定位可以幾十至幾百度唔同你見過未?!
正常都無乜人想做唔好摟吊既, 但所謂個做得到背後有幾多無提無講無scope 既野又有幾多呢?!
我身邊不乏斯巴達朋友，也識得工作態度欠佳只懂耍嘴皮的人：
https://wanszezit.wordpress.com/2010/06/20/%e6%96%af%e5%b7%b4%e9%81%94%e6%9c%8b%e5%8f%8b/
為何現在沒有人覺得「捱十年先有機會上位」係正常？（注意只係有機會，唔一定上到位）
為何一出身就要上位兼有話事權？
為何總沒有「捱」這個概念？
為何沒有人覺得40歲以上先「有車有樓」才是正常，30歲「有車有樓」其實只限於二世祖（或有宿舍的公務員）？
為何上一代覺得「要捱」是正常，現在的人覺得「要捱」是不合理？
為何捱不夠兩年就覺自己冇運？雖知就算你要「等運到」仍然係有個好大個的「等」字排頭？
所謂「獅子山下」云云，就是：「唔去奮鬥你咪望有酬勞，你要坐Benz靠自己個腦」。
今時今日，大學畢業只能證實你是云云眾生的其中一個「有腦」人，大學生，通街到係，人數比例大概只等於以往的中學會考五科合格，為何不肯接受社會進步，接受自己不是精英，接受當今世上「不可能像以前大學畢業識英文就即刻俾個經理你做」這個現實？
現在你要有等同上世紀大學畢業資格，以人口比例計，恐怕要1St Hon畢業，才算現世代精英，你有 1St Hon畢業嗎？
老在說老闆怎樣怎樣無能的人，既有如此雄圖偉略，最應該自己做老闆。
‘老在說老闆怎樣怎樣無能的人，既有如此雄圖偉略，最應該自己做老闆。’
又係’做過總統先可以批評總統/ 跑得快過馬先可以講馬.’ 呢d廢話.
永遠無視環境因素, 全部個人問題. 典型上一代奴隸思維.
根本完全唔同系統, 拗都費能事.
贈多你一句.
而家1st hon都無以前大學生出黎咁好待遇呀.
又係1st hon果班友自己問題囉可?
環境因素所限，所以當不成老闆是一回事；但若果連想也不敢想，未開始便放棄，一心只欺望不知如何有個好老闆從天而降，給予（施捨？）一份不用「捱」而又能一兩年內上位、30出頭便有車有樓的工作，這才是真真正正如假包換童叟無欺的「典型奴隸思維」。
就算現在1st Hon沒以前大學畢業哪麼好待遇又如何？（當然1st Hon都要看品牌，哈佛1st Hon的確比HKU 1st Hon吃香）你要找個HKU 1st Hon的人呻窮冇位上都幾難。
贈多你一句：機會要自己爭取，運氣是要靠「搶」的，記住「愛拼才會贏」。
要拼既係客觀條件既挑戰, 可能心甘命抵.
但, 點解要搶? 點解要take 人 advantage? 點解又要俾人take advantage?
北韓總教練金正勳賽前表示：「現在我們還剩兩場比賽，希望能拿到積分，甚至打進16強，能再進一步當然更好，即使北韓最終成績不佳也沒關係，對球員來說始終是一段寶貴的經歷。」
~~~~~~~~~~~~~~~~~~~
講完這番話後，結果…
大屠殺 葡萄牙7:0狂勝北韓
的確現在的年青人不少缺乏堅定的決心。
又的確, 有好多老闆係不知所謂的
不想罵戰, 道理不同, 立場有異
點解呢個世界一定要戰, 要鬥, 要拼? 為何不是和諧共融的?
不是要懶, 但為何總得要活得這麼大壓力?
@passerby
殘酷的事實係，世界從來都係弱肉強食適者生存，但一個積極樂觀者可能會諗：「人性既美好正正在於人性本身極醜，生命既堅強正正在於其本身極脆弱。」
我們是不是一定要接受這個判斷為"殘酷的現實"?
共產主意萬歲！一起建設河蟹社會~！
面對個人生命和社會問題又該有何種關係?
左翼對社會批判升溫, 矛頭直指制度不公, 又怎會使人心甘命抵在這個制度裡"捱"到出頭?
還是, 個人生命無論如何也要感恩, 對社會就要不斷批判?
我覺得這批應屆畢業生，只不過
among them 無標青的 Leader willing to stand out.
香港的大中學生都是這樣，keep low profile,
stay in safe zone，驚做錯事，驚瘀，怕晚節不保。
得與失，名與利，都不及曾經擁有重要,人生苦短呢
This article is interesting, but I think the comments are even more interesting.
BTW, Portugal is one of the better teams in this World Cup competition. I do not think “這番話" is relevant all.
To be very honest, I believe HK students are generally very
“result-oriented". They study those “notes" from tutors just because they wanna get an A in HKCE/AL.
Example:
http://hk.news.yahoo.com/article/100619/4/iq5e.html
E.g.
“我反而想考下Suki﹕「金鐘英文係咩？」Suki像被點了穴，良久說不出話﹕「咩會考呢口的嘅咩？」"
If the above is not result-oriented, I don’t know what to say. Suki only knows the “books", and she doesn’t even know Admiralty as a F.5 student.
This is extremely paradoxical. Young HK people ( 22), they become the opposite. Maybe they take some magic potion at age 22.
If people really want to understand the issue further and deeper, instead of only pointing out the obvious, perhaps the above article will be a good starting point.
Think Suki, why did she become what she is now? Will you hire Suki, provided she is “學業成績優良，在先前的中、英文筆試、才能測試、口試及小組討論的表現均是頂尖的"?
“因為這批戰士在十多歲時，就會被放逐荒野，獨自應付豺狼和野獸，學習求生本能。" Did HK even provide such environments? Or do HK parents allow their kids to live in such environments? Remember many HK university students do not even have the chance to stay in dorms. And since it’s so close to their parents, they can ask for help whenever they want. Even after graduation, they still stick with their parents. Why is that so?
I can only say, “you reap what you sow."
Correction:
This is extremely paradoxical. Young HK people after age 22 become the opposite. Maybe they take some magic potion at age 22.
但我想左翼人, 北歐人, 以至出家人, 會有截然不同的人生觀.
現在係香港, 壓力一般, 工作比較穩定, 而有兩三萬一個月人工的工作還存在嗎?
學麥太話齋：「食懵你呀？」
從前政府工, (半)專業如教稍護士, 要達到這個不難. 世界變了?
現代中國人, 是不是就不能選擇去過在平淡簡單中活得快樂的生活?
共產是唯一的出路。
原始森林和極權式共產以外, 真的沒有其他可能?
呢兩日，同某位香港IT界前輩食飯，佢話大陸既朋友同佢講，其實大陸人開始都睇唔起港人，說台灣人至少有骨氣不要好處，不似得香港人又要普選自由但又要攤大手問阿爺攞錢云云。
要普選同要經濟著數的是兩班人.
要普選的人有好些非常厭惡大陸, 想佢同十三億人最好死開.
我快咁睇完d comment 一次，有幾樣野想講，有d係呢排既感受無乜用腦諗過有錯請諒。先此聲明我都係大學畢業無耐，自問亦唔係「斯巴達人」。
一. 首先係，我相信王生揀人既方法令佢搵唔到佢想搵既人。小弟呢兩年自己攪Web Startup, 試過下「請人」, 感受幾深係遇親d 「叻人」，即係拎住幾條A入大學啊，或者係所謂勁商科系既同學，基本上都有兩個共通問題。
1. 好容易估到佢會答乜，好似上面大家咁講，一定係最安全既答案，常見如背出團體合作啊溝通啊之類，我未聽過有人話「喂我好想試下做Startup」－－有但唔係香港學生。試下問下應該有立場既答案例如最低工資之類，佢地都一定會俾d 各打五十大板既正常答案俾我。「喂，你俾小小立場 + reasoning好無?」
2. 個個都好似得個==諗==字，問親假設有個乜乜乜要做，都係答planning, SWOT analysis, 之類～完全無人會好實際話佢會execute, 「喂，我知你無detail 但你至少提下你會"做"，點做？搵邊個幫手? 點define 個result?」
可能係偏見，但我諗呢個通病係我地接受既教育「一手做成」。剛離開學校無耐，都仲記得學校點教大家搵工，d 所謂面試既訓練就係教大家答果d 正路答案，呢幾年又興d 乜鬼Leadership Training, d debrief exactly 就好似果班學生咁答。最叻班學生根本已經被訓練左咁答同咁做野法。
二. 實際上而家客觀生活條件，對大部分新一代來講應該係好過上一代，但同時間社會向上流動又少左令到我地唔再認同果種要捱十年既「價值觀」。
好似我自己咁，父母前半生以「走難」二字總結。八十年代來到香港，打份工做司機死慳三年買第一個單位，之後一直到九七一路換樓一路發之後負資產乜都無。而我一畢業已經借左> 120k Loan 讀書，第一份工人工唔算差但睇唔到有咩將來，自然選擇係唔會同你捱，不如做d自己想做既野。 見身邊好多同輩都係咁就諗不如間Startup 係試下俾大家開心地做野?
香港唔再係整體向上流動，（除左政冶特權階級呢個因素之外）其實係正常既發展。但上一代人就好鐘意指住下一代人既鼻話你地唔肯捱，「愛拼 才會嬴」。我諗呢個Myth係，你望下每年入會計Big 4 班學生? 佢地唔拼？我中學同學係入面連住兩個月每日深夜兩點朝早八點 + 11k – 13k 無OT。上一代以前打兩份工你問下d 做PR Marketing 住屯門番中環夜晚放11朝早番9 點打第二份工啊?
可能「拼」先至係irrational choice。
三. 王維基「看不到、也感受不到他們心中做事要達到目的的動力」係正常的－－係一個唔鼓勵人講理想既香港。
我讀書時同同學講我最討厭就係搭校巴，因為撞親同學話題只有一個「股票」。
我認為香港學生係好有「達到目的既動力」－－如果係搵更多錢的話。但整個社會教大家既就係唔好有理想，「實際d啦」，實際既目標就係搵錢，而且方法要快，要effective，所以要買股票，美其名投資，實際上係投機。
係我認識既同輩朋友圈中，只有想以最快方法賺錢既學生，無乜「好有達到目的的動力」既學生。
好認同 Ben 既講法, 香港教育制度就係 train 緊一班勞工, 由細到大有鼓勵學生獨立思考嗎 ? 由會考到高考, 全部教你要捉出卷既人既心態, 至少如果你真係理解左再答, 老師話改卷果個人唔會同你慢慢睇, 只會睇你有無 keyword , 你覺得唔 make sense 咩 ? 但事實就係咁吹脹.
好似回應既人講, 如果王維基拎返佢自己一開始既學歷, 第一 round 都俾人投籃啦, 佢 set 個制度係 filter d 打得既人, 搵唔到心目中既人又可以怪邊個 ??
呢排我都有個經驗分享, 我係樓下 7-11 識左個後生仔, 20歲人 repeat 左兩次, 一次係中二, 一次係中五, 初識佢時, 係佢心目中, 人生目標係咩根本完全無 idea , 每個月二三千蚊做 7-11 已經係佢可以做得最好既野. 我讀緊既領袖課程果度鼓勵關心其他人, 我就以開放既態度去幫佢, 了解左係佢成長之中, 太多負面既經驗令佢唔會再去諗夢想, 以及教育制度令佢停留係失敗者既狀態. 傾左幾個鐘, 我重新燃點返佢對人生既希望, 佢半供讀咁上左我鼓勵佢上既 course , 雖然人工好少, 但佢知道佢可以再次有返夢想, 呢個經驗令我覺得, 其實只要每個人去關心其他人, 呢個社會己經有好大改變, 係認定青少年唔肯捱之前, 我地呢 d 長輩又有無機會俾佢地去捱, 定係以學歷決生死, 連花少少時間去幫佢地都無諗過.
依家呢個員工係我身邊最肯幫公司諗既一個, 通頂都樂意去做, 因為佢知道, 如果唔去捱唔去學, 佢既人生就係 7-11 打一世工, 我好感動, 即使只係俾一年工作經驗俾佢, 佢既人生己經係好唔同, 我都會繼續發掘身邊既人既可能性, 幫佢地重新諗返佢地既夢想.
“由會考到高考, 全部教你要捉出卷既人既心態, 至少如果你真係理解左再答, 老師話改卷果個人唔會同你慢慢睇, 只會睇你有無 keyword , 你覺得唔 make sense 咩 ? 但事實就係咁吹脹. " AND “佢 set 個制度係 filter d 打得既人, 搵唔到心目中既人又可以怪邊個 ??"
This is exactly “you reap what you sow." Not just the hiring system set by 王維基, but in general, the chain reaction of several interrelated systems in HK.
王維基 is old enough to have a chance to present his point of view in a more high profile public domain, my wish is this blog article’s comments could be read by a lot of people in HK as well, and hopefully some changes could be made in the future.
BTW, I belong to the 70’s.
我讀理科, 讀書考試不錯, 但不覺得十分需要"捉出卷既人既心態". 可能這個問題文科比較大.
Ben:
一、王生收的CV我諗起碼幾千封，加上佢過旺八年都請到，係今年請唔到 – 當然唔排除係因為佢係呢兩年先迷上健身，所以今年屈應徵者做體能。
二、有頭髮邊個會做辣哩？想做Start Up就自己搞啦，邊度會去Start Up見工？除非個間叫Google。
三、令尊翁可以做司機（你所謂「睇唔到有咩將來」的工作），都儲到錢買第一層樓，你大學畢業，雖然要還loan，但係計埋通漲，都冇可能有令尊翁「做司機買樓」咁辛苦，仲擔起成頭家，養到個仔大學畢業，佢真正體現出所謂「香港精神」，值得敬佩。
四、如果你意思係話個個都在「拼」，咁「愛拼未必會贏」，你是正確的，但可以肯定講句：「唔拼一定會輸」。如果你講的所謂「拼」，和令尊翁的「拼」比較起來，你會知道點解令尊翁可以做司機都買度樓養到個仔讀大學，而你仲係諗緊點解社會對自己咁唔公平。
五、正如你一路的論點：「時代變」。而家第二份工咪係「買股票」囉，你覺得買股票一定快賺？唔需要知識？打電話問陸叔就掂？麥太話齋：「食懵你囉」。
六、舊時點舊時點，舊時沖左落廁所喇。
Ben:
補充，我都係冇乜用腦就覆，其實你講的，我大部份都應同，只係抱住「不吐不快」的心態打字，所以有點自說自話，請見諒~！
Kli: 唔緊要～ 明白你所講既不過有d 位想講清楚小小以免誤會… 對應番一至六︰
一同六，讚成～ 🙂
二。「做Startup 」既意思係加入Startup 工作
三。我提做司機可以儲到錢買樓既意思係，三年之內儲錢俾到首期買樓係有可能的。而今時今日有好多年青人既工作就未必可以。（當然諷刺既係end up 都會負資產同因為香港貨運業息微而最後乜都無啦)
四。對唔住但我認為呢句有侮辱性︰「如果你講的所謂「拼」，和令尊翁的「拼」比較起來，你會知道點解令尊翁可以做司機都買度樓養到個仔讀大學，而你仲係諗緊點解社會對自己咁唔公平。」
我想講兩樣野，一係我想講既係有人係拼但我一定唔係，亦都已經係上面簡單地解釋左點解。所以請唔好曲解我既講法。
二係我認為「諗社會點解對自己咁唔公平」係非常重要的。我自己暫時無心力將努力既方向放係呢面，但我非常尊重係呢方面努力既人亦都認為能夠有更多人諗下呢個問題對整體社會一定係件好事。
五。所以我咪話大家只係「投機」而唔係「投資」law。我只係話好多學生認為買股票會快賺（而事實上撞正時間買快賺亦係好多學生既共同經歷）。
最後賣下廣告，講左咁多啦係咪先當係俾左廣告費 🙂 小弟同兩三位朋友兩年前開左間Web Consultation 公司Oursky.com, 最近三個星期前launch 左第一個product: PandaForm.com, 主要係用來俾無乜IT Resources 既中小企製作同處理申請表（例如Order Form, Event Registration, 之類), 各位有時間睇下多多指教…
Sorry~ 如有冒犯多多包函~！
大家的"回應"是真的"回應"著文章呢~
現post 比人改左
http://www.jiujik.com/jsregular.php?comid=27370&adjobid=0750348&jobno=K04&lcid=HK.EN
[原post 聽聞如下]
洗碗清潔員
– 大專或以上程度，無須相關工作經驗 或
– 中五程度，具兩年飲食業管理經驗
– 具良好領導才能及溝通技巧
– 工作經驗較佳者可考慮為分店副經理或分店經理
招聘日
日期： 6月29日
時間： 14:00 – 17:00
地點： 勞工處飲食業招聘中心
灣仔告士打道5號稅務大樓34樓面試