「養唔掂，就唔好生，咁至係負責任既行為」

這篇文章，其實是來自前文《Rest in peace》，由於舉例失當，令一眾網友（尤其VC）感到不安，思哲因而決定把文章一分為二，並刪掉部分內容，完全切割原文《rest in peace》和此文《「養唔掂，就唔好生，咁至係負責任既行為」》，再次多謝大家的提點（尤其VC）。

養兒育女最基本的責任，物質生活我都認為係好次要。更緊要係，要比足夠既溝通同關心，呢兩樣野，係要付出時間既。我知道好多母親生完之後，都寧願轉一份人工低，但時間鬆動D既工。為既，就係多D時間陪仔女。

- 所謂既養唔掂，金錢當然係主要因素，但係有無時間同仔女溝通更加緊要

- 所以，不論是富人or窮人，養唔掂就唔應該生。

- 又或者，任何人都唔應該生得多過自己能夠負擔既子女。

- 將心比己，假如你是一個經濟能力極差，糊口成問題，自己都養唔掂的人，你會生小孩嗎？

我承認係呢個時期咁講，的確係一個好差既timing。

想強調一點，我的確因為最近兩單新聞的聯想而寫了這篇。但我並非想落井下石，文章也絕非針對王小姐的父母。如果王小姐家人看到了這篇博文而傷了心，我衷心及願意向你們道歉。

不過，我深信不少家庭/社會問題，構成的原因，正正係父母最初低估了養育的難度，生出黎後，又由於疏於照顧或不負責任，而間接導致悲劇的發生。

虐兒、爛賭父母獨留子女於家中、家庭性侵犯、先殺子女後自殺，這些就在我們身邊、耳熟能詳的新聞，反映了社會上確實有不負責任的父母。他們或來自富人家庭、貧人家庭，也有小康之家。

調返轉，即使小朋友經歷過好多事情，例如不愉快的童年，又或劫後重生，安然無恙長大成人，亦唔代表那班不負責任家長值得尊重。又或者咁講，佢地最大的懲罰，就係永遠失去子女既愛同埋尊重。