AT& T與蘋果公佈業績，前者第二季純利增加29億美元，後者第二季比上年同期上升73%，達8億美元。大家都以為是iPhone熱賣令兩間公司齊齊受惠，不過 iPhone在6月28日才上市，離第二季結算只有兩日。所以iPhone的潛力還未在業績報告中反映出來，即是兩間公司今季升幅都只是靠食老本，下季 iPhone開始發功，兩間公司的業績肯定還有驚喜。
AT&T公布iPhone首兩天上客量有14萬，同蘋果公佈的售出27萬部有很大的出入。可能是當地太多人同時換機，AT&T的上客速度未能趕上賣機速度；有很多美國公司都是大批購入作員工福利或贈品，未分派的iPhone自然不會計落 AT&T；加上有部份iPhone已經流出美國，成為科技發燒友的收藏品，永遠不會在美國上台。
讓用家自選才是王道
當初Steve Jobs決定把iPhone與AT&T的電訊服務作捆綁式銷售，可能是他的完美主義作祟，怕自己公司沒有製作手機經驗，未能兼顧所有電訊公司的不同制式。
如果將來iPhone可以開放手機，容許手機在其他電訊商上台，要08年達到Steve Jobs定下的市場佔有目標1%，即是賣1000萬部手機，絕對難不到他。他朝iPhone要打出美國，Steve Jobs不可能每個國家都只選一家電訊商合作，讓用家自己選擇適合電訊商才是王道。
如果有一天iPhone殺入香港，蘋果依舊要自己選擇電訊商，又剛好選擇了老牌電盈旗下的Sunday，不知是否能令8號仔重振雄風，重上當年廿幾蚊（即股份合併後的百幾蚊）一股呢？
伸延閱讀
Exactly how many iPhones did you really sell, Mr. Jobs?
尹思哲 
做生意哲學裏，開創市場難些？還是搶人家市場難些？各有各看法。Apple在MP3市場肯定超晒班，但在手提電話上又如何，係唔係都能點石成金，我個人覺得未必咁容易，Apple名氣較大了，但iphone後勁如何則仍要看基本功能，好難估，不過如果講股票我就一定買重Apple，因為那些分析員大部分都係Steve的崇拜者，點都吹到天上有，地下無。
如果要睇 iphone 既前途，就要睇下 mobile internet 點發展，因為 mobile internet 成功的話，依家 market 既 opera , 同 pocket IE 完全唔係 safari 對手
等 killer application 出現左，iphone 要大幅成長亦唔難，正如 BB 攪起 push mail , iphone 都要有佢既 application 先得
無錯，其實iPhone既killer app，就係internet自己本身，情況跟notebook一樣。問題只係，mobile internet既玩法，會唔會同家用住宅internet一樣。