Demo Transcript
大家左手邊見到嗰個就係Chrome 6嚟嘅，Chrome 7其實Google都唔係好贊成download，所以我哋今日用用Chrome 6俾大家睇。右手邊就係IE9，我哋今日出街，個錶你會見到20條魚，我們仲可以做到60個frame per second，即係話而家每一秒鐘可以有幾多個頁面，越多即係越快。隔離20條魚淨係十五十六咁，都已經唔係好游o架嘞，啲魚都呆滯咗o架嘞。咁所以呢，其實你可能話：「嘩，咁你IE9咪好犀利？可唔可以俾個叻嘅，你攞Chrome嚟比，咁樣實贏啦你。可唔可以攞Firefox呀，你咁勁。」好，咁我哋就滿足大家嘅需求啦，就俾個Firefox大家睇下嘅。
首先呢，為表公允呢，大家都知道Firefox有唔同嘅版本o架嘞，呢個就係Firefox專為咗迎接我哋IE9出世，所以前日特登掉出街嘅4.0 beta 6嚟嘅，特登前日出嘅，OK？唔緊要，咁呢，硬解已經啟動，你見Direct 2D enabled同埋Direct enabled，OK？我哋唔係話特登熄咗啲嘢去呃大家。好嘞，既然大家同一個有硬解嘅情況底下，咁我哋睇下啲魚魚到底有幾勁嘞。嗱呢啲code呢，其實都唔係一啲特別嘅coding，係HTML5 code嚟o架啫，咁所以係同一個code，我哋唔係話特別寫俾IE嘅。
20條魚，大家非常之開心，係咪呀？60個frame per second，綽綽有餘，兩個都叻叻哋嘅，OK？我哋不如一嚟就嚟1000條魚囉……
好嘞，咁你見到個Firefox已經開始跌到去6呀、7呀、5呀，4個frame for second，啲魚都開始呆滯，雖然個金魚缸好窄。我哋睇睇右手邊嘅IE呢，22、23、25、26，綽綽有餘，依然啲魚都郁嘅，OK？完全冇花冇假，我哋喺硬解上面，好肯定係比Firefox寫得好。
其實如果你哋心水清都知，其實Firefox喺前兩個beta，佢哋硬解by default係disable o架。如果你哋玩過都知，係要落去搞兩三個retendering嘅setting先至開番o架。其實如果佢咁有信心，by default就唔駛disable啦。OK？所以其實你哋見到佢哋依然都仲有一段路去努力嘅，不過唔緊要！我哋非常之歡迎大家一齊努力嘅！
好，跟住呢，我哋不如再睇睇第二個demo喇喎。其實頭先我咪成日話嘅，嘩，如果有朝一日，網頁好似apps咁，咁就發達喇，咁又可以有apps嘅好處，又可以有網頁嘅好處。
如果大家見過呢個咁嘅Amazon嘅bookshelf呢，都有啲印象嘞，iPhone實裝過啦呢個apps，iPad嗰啲實有o架啦。其實呢，網頁絕對可以做到同你個apps一模一樣嘅畫面，一模一樣嘅嘢，點解大家唔用網頁嚟做，take佢嘅好處呢？就係因為咁嘞，譬如睇睇Chrome呢邊先啦，我想買呢本書喎……咁樣跌出嚟嘅，你係用戶都唔會用啦。你睇下，慢動作揭書嘅。
睇睇如果我哋用support硬解嘅IE9會點吖嗱。同一本書……OK？所以你會見到呢，完全同一個local apps係冇分別o架。所以其實我哋只要可以啟動到你個CPU，你個電腦一啲未開啟嘅功能，我哋絕對可以有網頁嘅好處，唔駛download，亦都可以做到apps嘅效果，OK？完全係真嘅，你見。
好嘞，跟住第三樣嘢想俾你哋睇嘅呢就係，一個我哋為咗要迎接將來，你知啦，而家網頁越嚟越多嗰啲我哋叫做多媒體啦、高清片啦，咁到底browser頂唔頂到高清片呢？我哋同IMDb其實合作咗一個小小嘅demo。你而家睇到呢個係Chrome嚟嘅，你見呢，都順嘅，不過都好似窒下窒下咁，你見我都未入去睇片嘞，OK？50零個frame per second咁啦，咁可以揀戲啦。
好嘞，如果我哋用IE9，到底可以有幾smooth呢其實……你見係完一路60個frame per second，係冇郁過，同埋好smooth可以揀戲嘅。甚至乎呢，譬如我哋播呢條《Despicable Me》啦，未上o架呢套戲好似，其實呢個trailer已經係一條全高清嘅trailer嚟o架嘞……好嘞呢啲留番俾錢入戲院睇嘞。
所以你見到呢，其實只要你能夠啟動到硬解功能，無論一啲高清片，其實仍然都綽綽有餘o架。同埋頭先你見到啦，頭先我點解用Firefox，唔用Chrome同埋IE呢？因為其實Firefox仲未支援H.264 encoding，所以其實都係一件幾失望嘅事嚟o架。因為我哋都好肯定將來嘅standard，如無意外都應該H.264 on internet係一個最好嘅compression rate。不過唔緊要啦，希望大家同業繼續努力啦！
好，除咗睇完快之餘呢，想同大家睇下另外一個我哋設計IE嘅目的嘞，就係為咗clean嘞。頭先成日強調話，喂……
如果大家想親身試試IE9的速度，請到以下連結：
http://www.microsoft.com/hk/ie9
尹思哲 
FIrefox由2004年起一直在用，現在馬會都可用firefox了，我差一點忘了我電腦還有IE！
Why didn’t Mr Hung compare IE9 with Chrome for performance?
@AK
exactly! but IE9 beta is pretty good in performance because of the “硬解"…
@Evian
The 2nd part of testing was a comparison with Chrome!
有campare opera嗎？
「埋黎睇埋黎簡～～」
這個業務部主管真不懶
如果我想看1000條魚的話我一定轉用秏資源的IE9
firefox 一直都相當唔錯，但近期所謂的新版本，就真係麻麻地，load 個 shelf 已經好大 loading ，反應慢左好多，而且 cache 唔爽，基本上 IE 8 好過佢。
Chrome 係好爽及很高智能的 browser ，但功能似乎不及 firefox ，plugin 支援又較少，美中不足。
但都熱烈恭賀 M$ 終於明白「電腦是要快、爽」的道理，整個 IE 9 俾大家少少驚喜….
IE9 speed demo transcript full version updated!
Let FireFox 4 KO IE9 later!
“所以其實你哋見到佢哋依然都仲有一段路去努力嘅，不過唔緊要！我哋非常之歡迎大家一齊努力嘅！"
IE 經過十五年o既努力之後終於升格為一個真正o既 browser….
呢句說話出自佢地口中的確有點笑料… :p